HNB du Swed gıdmtayıb maşritho la neşe ula nacimathe bi mdito d’Örebro

ÖREBRO, Swed — U Huyodo da Neşe d’Bethnahrin bu Swed dkıtle fırce b’mdinotho frişe du athro, gıdmtayıb adşato’ste maşritho la hadımyothayde. Leşan a hadımyotho kulle dkıtne emotho dqudri hudri bi maşrithathe, gıdmitayıb’ste plan dilonoyo la nacimathe cam yulfono, teşcıyotho u teştcınye.

İ maşrithathe gıdmisomo 16 u 17 bu yarhano d’Ob-awkith yawme d’Şabtho u yawme d’Huşabano bi mdito d’Örebro du Swed. Bi maşrithathe, gıdmitahwe yulfono la neşe calu makthabzabno du camaydan u dilonoyith cali athto du camaydan ucala fulhone u hfitwotho dıksoyım HNB bu Swed.

Elo camani’ste gıdmıkle cala fulhone dıkmaşın a fırce hrene d’HNB dkıtne b’Urifi ubu athro. Camathe’ste a mtaybone di maşrithathe, gıdmahkın calu Mawtbo di Athto Surayto wu nişo du lumodo dsımwo meqım zabno b’Urifi leşan u huyodo da şutose frişe da neşe du camaydan.