HNB Giessen ftıhle ştand da muklone marduthoye du camaydan bi hfitutho şatonoyto dıksoyım u Hudro da Raqode d’Orient

GIESSEN, Almanya – Adşato’ste maczamle u Hudro Almanoyo d’Alanya da Raqode d’Orient u Huyodo da Neşe d’Bethnahrin u fırco d’Giessen bu lalyo dımtayable bi karxutho d’Polheim. HNB dkull naqla kmitaczım la hfitwotho, idico’yo bi karxutho ba fulhone  dıksoyım.  

Wu nişo du Huyodo’ste, dmazıd u dmaqwe a esorayde cama hudre u comure d’Polheim leşan dmaşmıc a fulhonayde u dobe mawdconutho cal HNB. Bu dumyano, HNB hawile athmıl mkono dımzabın a muklone marduthoye dsımlın a hadımyothayde.

A zuze dıkcubri mu zebono da muklonani du ştand kmıfroşi la fulhone du Huyodo, lu camaydan u sniqoyo ula şutose d’MUB. İ mşalonitho d’HNB b’Giessen Merame Budak cama hawrotho di sictho, mqadamlın tawdiyotho lebonoye la neşe du camaydan di mdito dhawın mcadrone bu syomo da muklone ubu zebonathe.

Bebzabno HNB b’Giessen, kımhane a neşe dhadiri ubu moral rabo dhuwlın bi mıştawtıfonutho ubu snodathe lu ştandano dşafıc b’muzoğo u kaşirutho rabtho. Lfuth i mawdconutho dmatilan’ste me Giessen, hathe inaqla harayto’yo bıthır 16 eşne du Hudrano da Almanoye kımtayıb i hfituthathe.