I Awyutho di Athra simla u duxrono da Sohde di 7 Ob

BOTKYRKA, Swed — U duxrono mşarele bu mamlo dsımla i mqadmonitho du aywmo Nahrin u tlıbla ma hadire dkolın qatinto d’şetqo cali ruho da sohde du cameydan kule. Bıthır cal ışme di awyutho da gabe u mathlono da esore gawoye du Huyodo Suroyo d’Urifi ESU Jacob Mirza mqadmle mamlo dkali bu zoyudo aydarbo kiban nıfqina moro la sohde dmahatlın u admathe qurbono qmi umtho wi tawditho mşihoyto. Mirza bu mamledye mırle ucdo latyo u zabno du droşo du matakzabno aw hayna ışme aw hayna cito i qamaytoyo elo u zabno di hdoyutho du tlobo da zedqe du cameydan bu athro ada abohotho bethnahrin dı foyıth me fuloğo hathoo.

Bıthır mu mamlano u omuro Sabri İşoh maşamcle mimro bu leczo madınho cali macne du yawmo d’Simele. İ mathlonitho du huyodo da Neşe Othuroye Zekiye Cansu mqadamla malo dmahkela cala qatle dhawi acleyna u mırla hiyasti u zabno di awyuthoyo. Bıthır mu mamlano hiw darbo lu omuro Şamaşa Pinğes dımqadmle mimro cali macne du aywmo da sohde.

Bıthır hiw darbo l’Yalda Maruwkil mu zawco Demoratoyo Othuroyo dımqadmle mamlo cal ışme di awyutho da gabe bu leczo madınhoyo, dsımle qrayto li claumutho du cameydan dmıştawtfo la gaeb u şutose du cameydan laşan dminqoli a maşılmonwotho dkıtle u cameydan la dore dothın.

Bıthır mu mamlano u hfito umthonoyo Aday Bethkınne mqadamle malo  dmahkele dkıtle sabro rab odu cameydan dıdg mote la zedqeyde u mqalasle i. Awyutho da gabe du cameydan dı qayimi bu duxronano, u mırle i claymutho du cameydan trela a folağwotho dkito bayn du cameydan u kıtli sabro dımdawmi ba fulhone la dore dothın.

Bu huthomo du duxrono hiw darbo du mamlo lu hasyo di marcitho du Swed d’Almanya di cito d’Madınho d’Othuroye Mor Awdişo Awrohim, u hasyo bu mamleyde kalai cala sabe da qtolcame dhawın acleyna dkito idotho mşahılfe dlı kıbci du cameydan dı foyış ba haye. Cali sbutho da droşe du matabzabno da ışmoen u da fuloğe dkito mırle ono bi hzayteyde mıhlıf dmıstacmlina ışme sagiye dımina ahna a Bethnahrinoye. Mor Awdişo mırle i hdoyutho ulsoytır me kul mede du cameydan dsoyım ucdo, mırle a gabe wa citotho du cameydan dı qudri laymi lıhdode u dholın a talabe du cameydan cam hdode.