03/02/2021

İCC frısle taşroro yarhonoyo cali aykanoyutho harayto di daşto d’Ninwe

U tukoso Emwothoyo du Ğamo dcala Mşihoye-İCC, frısle u taşrorayde du yarho d’Konun u haroyo dşafıcina, cali aykanoyutho harayto di daşto d’Ninve.

 Bu taşrorano, griş u zuhoro cali sbutho di mşaynutho d’Ninve, a qente wa gzome dkito cala Mşihoye, isbutho di socurutho du Papa lu Iraq uğer.

Fris u taşroro du quyomo kino di daşto d’Ninve dcalu yarho dşafıcina mu Tukso tukoso Emwothoyo du Ğamo dcala Mşihoye-İCC. Bu taşrorano mawdıc da 2 furqoce qtolnafşoye dsımle u tukoso marhıbono d’Dacış b’Boğdod, xlıqle zuctho u ğamo di mşaynutho bu athro kule-belhude 3 eşne bıthır mu huroro du athro me Dacış. Calathe’ste a hayle Iraqoye sımlın cuqobe u qtilın mınyono d’marhıbone beynothaye u amiro d’Dacış dımtayable a furqocani.

A hayle di mşaynutho maqwelın a thumathe dcam Suriya-dilonoyith bi hiğmonutho d’Ninve, leşan dmaklın u mazlo u mathyo da marhıbone. İ aykanoyuthathe’ste xlıqla ğamo cali socurutho dgısoyım u Papa bu yarho d’Odor dıbqamuthayna lu Iraq u dilonoyith kito ğamo bi sbuthathe calu mazlayde l’Bağdede bi daşto d’Ninve u acma’ste a droşe dgıdowele camu rişono da Şica.

U tukoso Emwothoyo du Hulmono’ste mawdacwole dhol 26.173 farsufe bi hiğmonutho d’Ninve tafilın u virus di Corona u 494 nqili ma haye udu virusano, kımdawım dım’athir cali hiğmonutho. Elo walaw kito a qetrani bu Iraq, Bağdede mtayablwola zawho u mahıtwola u hayklo d’Yuldath Aloho cali goro di cito Qatholiqoyto wa Mşihoye kıtte sabro, da citothathe kulle di daşto dmihathıthi.

Bu taşrorano u tukoso Emwothoyo dcala galwoye makadleste di hiğmonutho d’Ninve-hdo ma dukotho dacırla bu zyodo camo’yo, elo i fnitho d’Şigor latyo thnihoyto mu qyomo dımdewo beyn Boğdod u Arbil wa Ezidoye krıhlın a gzome da hçome dkubco Turkiya dsaymo cali fnitho bnişo dmıhyo darbo li PKK.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…