İhfitutho dcalu Sayfo du şutoso da clayme Suryoye dıksoyım heş kımdawmo

U şutoso da clayme Suryoye, mabdele hfitutho du teşmico du Sayfo bıbritho calu darbo du nawlo.

 İ hfituthathe dıksaymi qrayto li claymutho u lkull noşo, kıtulbi dkull ha menayna bu bayto d’gorış sırto dkıtyo calu Sayfo.

 U şutoso da clayme Suryoye dıksaymi hfitwotho laşan i sbutho du cameydan mabdelın hfitutho laşan maşımci isbutho du  Sayfo lıbritho. İ hfituthathe dımşarelın dı mawdıcila cala dafe du nawlo kıbci mu cameydan gawonoyith u mi claymutheydan frişoyith dkul ha menan dıkothuw mede calu sayfo cal luho, u bıthır tocın i luho u goraşla sırto u mşadarla lu şutoso di claymutho laşan dfırsilın bu tboco froso.

A mşale du şutoso mawdaclın dkul ma farsufe du cameydan kibın kıthwi bu leşono dkibın gurşi i sırto u mşadrila lu emailano dkıtyo kıthiwo C Suryoye Att Yahoo nuqta com. Bi mawdconutho dmıdlan ma mşale du şutoso di claymutho mawdaclın dıgdowelın hfitwotho mşahılfe bu zabnano du Sayfo laşan dıqıdri mawdıci i sbutho du Sayfo.

Aclayme Suryoye dıksındi i kampanya du huyodo Suroyo d’Urifi ESU kmawdıci di bocuthathe mu cameydan dmıştawtıf la hfitwotho dıkmisomi bu zabnano du Sayfo laşan dmawsiqina isbutho la platforme dıbritho, u dmitawde ebe.