İmşatsonitho d’Suroyo tv Meryem Yalçin mwayacla ahayeyda bu Swed

İ mşatsonitho d’Suroyo tv wi emo da mşatsone Meryem Yalçin, nqilo ma hayani bi mditho d’Södertelje du Swed b’saybutho tawto.

 İmnohto dkıtwa rohumto du cameyda u du athreyda qulnaqlaste mahıkyowa cal sebwotho du Sayfo, dşamicowa ma sohude du qtolğenso.

İmnohto Meryem mawlodawa ban 1931 bi qritho d’Gremira d’Turabdin, me abohe Brahim u Sıtto dbe Gawro mi şarbtho d’Be Malak Hanna d’Hah. İmnohto Meryem i hotho rabtho d’2 ahunone u 5 ahwothowa. Ban 1946 mşawtafla ahayeyda camu mnohnafşo Şaco Yalçın u nqila li qritho di Harbtho.

Mu zuwoğano hawila 11 nacime u bi şato da 1978 mgalwelın l’Stanbul u ban 1989 mgalwelın lu Swed u rakiwi b’Södertelje. Bu Swed nqilo ma hayani 28 bu yarhano d’Ob b’saybutho tawto. U cufoyo di mnohto gıdhowe 5 bu yarho d’İlul yawme d’Şabtho bi şoctho da 12 bi dayro d’Mor Afrem dkıtyo b’Hollanda, ba bethqbure su mnohnafşo u barzawgeyda Şaco Yalçin.

İ mşatsonitho d’Suroyo tv u bebzabno a abneyda dkıtne bu Swed, mşatsone d’Suroyo tv’ne u mşatsone du hethotho du studyo d’Suroyo tv’ne. İ dictowa bu mamlo dmahıkyowa cala sebwotho du Sayfo dşamicowa ma sohude du Sayfo. İ mnohto dkıtwa rohımto du cameyda du athreyda mcaqbowa a şuşote dhowınwo b’britho hula eşne haroye di sbutheyda.