Konvoy d’Emwotho Mhaydotho cabır li hiğmonutho d’Sweda. Grube folhoye di ardixlutho da Druz şafici li fnitho d’Alswemra
Konvoy d’folhe u radoyotho da haylawotho d’Emwotho Mhaydotho cabır li hiğmonutho d’Sweda, ubebzabno grube folhoye di ardixlutho da Druz şafici li fnitho d’Alswemra bıthır mdıgrişi mena a’haylawotho di şultonutho d’Suriya wa grube noqufaththe. Camgabıdathe, qtil menyono d’folhe b’hçomo oyaroyo dsımla İsroyel cal nuqazto hedor di mditho d’Sweda dkıtwo eba folhe ma haylawotho di şultonutho dı Darımsuq uma grube mzayne noqufaththe.
SWEDA — U ajans da tebe d’Hawar mawdacle d’konvoy d’radoyotho folhoye ma haylawotho d’Emwotho Mhaydotho cabiri athmıl li hiğmonutho d’Sweda bu darbo d’Izrac-Busra Al(h)arir- Sweda. U konvoyano u emwothoyo u acme ste haylawotho folhoye gawoye da Druz karixi bı menyono d’qıryawotho u nuqazyotho meqım mıdmotın li qritho d’Aldur dkıtyo i qritho qamoyto dıknıflo bu garbiyo d’Sweda, udmacbarwo mena yawme dı Tlotho dşaficina konvoy di mcadronutho noşoyto l’Sweda.
Camgabıdathe, I mşatasto da zedqe noşoye d’Suriya mawdacla dı grube folhoye di ardixlutho da Druz şafici athmıl li fnitho d’Alswemra dıknıflo hedor di mditho d’Sweda, bıthır mdıgrişi mena a’haylawotho di wazirutho du sutoro udi gawoyutho di şultonutho d’Suriya cama grube noqufaththe. A’grube folhoye da Druz bu zabno dcabiri li fnitho d’Alswemra mqafelın bi qritho d’Aldur arbac şalde d’barmothoye Druz.
Bebzabno, İsroyel sımla athmıl hçomo oyaroyo cal nuqazto qaruto mu darbo bayn di qastra d’Althacle wi tello d’(H)adid hedor di mditho d’Sweda, udkıtwo eba folhe ma haylawotho d’Suriya uma grube noqufaththe. Bi netiçe du hçomano qtil menyono d’folhe, u mawqıdo radayto folhoyto mu şıkıl d’Kiya dkıtwo eba zayno yaquro.
U hçomano sim bıthır mıdşafıc yawmo calu knuşyo d’Paris dhadırle u waziro da sebwotho stratijikoye d’İsroyel Ron Dermer, wu waziro di baroyutho d’Suriya Ascad Alşebani wu mathlono dilonoyo d’Amerika b’Suriya Tomas Barrack.
M’gabo hreno, u msadrono d’Emwotho Mhaydotho dkıtyo u mşalo da sebwotho noşoye b’Suriya Adam Cabdılmawla, mzaharle mi bsirutho da mluwe du hulmono dkibın dmaxılsi a’haye du barnoşo bi mditho d’Sweda, u makadle du qento di aykanoyutho noşoyto kzoyıd cami bsirutho rabtho dkito du muklo, da maye uda Samone uda mşablınwotho asasi da haye yawmonoye. Cabdılmawla hule i maqırhonuthathe bıthır mi socurutho dsımle athmıl li mditho d’Sweda cam grub m’Emwotho Mhaydotho, bnişo dmıkle cala sniqwotho msarhıbe dkıtlın a’comure di mditho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
