Macron mırle Erdoğan qentoyo l’Urifi kula

U rişqutno d’Fransa Emanuel Macron bi maqıblonutho dhule lu tboco froso mırle Erdoğan farsufo dkobıc mzaczıc u huyodo d’Urifiyo, mawxa a athrawotho d’Urifi klozım maşina siyase qwitho mqabıl dhawxa rınye.

Bıthır mi mwatyutho dhawyowa bayn Turkiya u l’Fransa a maqırhonwotho u mamle datre athrawotho kımdawmi dmıski duktho bu tboco froso. İ maqırhonutho harayto dsımle Macron bhaq d’Erdoğan mahkele mın tahrazyotho bişe kıtle Erdoğan laşan a athrawotho Urifoye wu madınho mıscoyo kule.

Macron bi maqırhonutho dhule lu tboco froso bıhaq d’Erdoğan Mırle. Erdoğan xlıtle a qonune maşılmone u di umthonoyutho bıhdode u kobıc dsoyım siyase u hathe xlıqla lo thınihutho ba athrawotho d’Urifi.

Macron bu mamleyde mırle a athrawotho d’Urifi klozım dırşi a sıbwothani me qariwo u maydi mşalutho ebaye. Ono latno mu gabo dhowe mwatyutho elo mu gabo di awyuthono u bi sbuthathe mawdaclan lkul noşe, a athrawotho d’Urifi klozım maydi u medano.

Macron mırle Fransa u athro dkıtle morutho bu yamo mıscoyo, bi sbuthathe hawi mwatyutho ba esore dkıtlan cam Turkiya dılo meqım ha ma farsufe dkıtwoli esore cam Erdoğanweyno elo khozina Erdoğan bi siyase dkıtle kobıc dışoğış a athrawotho dhedore wa athrawotho d’Urifi. U rişqutno d’Fransa Emanuel Macron mırle ba mamle dsımwole Erdoğan bi şabtho d’şaficinawo mhaqarwole cala athrawotho d’Urifi mawxaste ftihoyo da esoreydan u Turkiya hariwene.