Mahıt ywmed husabo luhe xıd qoyumyotho lu Sayfo bi cito d’Yuldath Aloho dkıtyo b’Viyana

VIYANA – Lfuth i mawdconutho dmatilan mu matibonaydan d’Austoria Yahkub Şibo, athmıl mrayşanle i mcalyutho d’Mor Diyonosios Cisa Gurbuz-u efetrufo fatıryarxoyo di marcitho d’Swisra u Austoria di cito Suryoyto Orthodoksoyto u Qurobo Alohoyo dsim bi cito d’Yuldath Aloho dkıtyo bi mdito d’Viyana d’Austoria.

Bu zawhano u ruhonoyo, i mcalyutho du hasyo camu mawtbo di cito, mahıtte tarte luhyotho se hıdode ax qoyumyotho-hdo menaye la Sohde mawdyone qadişe du camaydan wi hreto’ste, lu duxrono şatonoyo da 110 eşne du qtolğenso mayiro dsımwo calu camaydan’yo.

Lu zawhano’ste, hadıriwo hadome u mathlone du Huyodo Suroyo d’Urifi-ESU udu froshezwaydan d’Suroyotv. İ mdito d’Viyanayo’ste, dgısaymo adşato baytoyutho li Gala şatonoyto da 21 eşne d’Suroyotv dgımisomo yawme d’Şabtho dıbqamuthayna dkıtyo 28 bu yarho d’Hziron, bu salon di cito d’Mor Afrem.