Mahwele ftiho Süleyman Soyluyo bu komplano dsim cal qoyumoTuma Çelik

Ba surotho dıkmıfrosi bu tboco froso kenşoyo magle ftiho, du waziro di baroyutho d’Turkiya Süleyman Soyluyo u mhadrono du komplo dcalu camo Suryoyo calu darbo du qoyumo du cameydan bu parlamento d’Turkiya Tuma Çelik.

 Ba surothani kmahwe Süleyman Soylu u cami athto dıktuhmo u qoyumo Tuma Çelik cami sniğarthayde dkıtwa mraşahto mu gabo d’AKP lu parlemento du athro.

Ba surotho dıfrisi kmahwe ebeye di athto Derya Ekman dıktuhmo u qoyumo Tuma Çelik, bi sırtoyo camu waziro di gawoyutho d’Turkiya Suleyman Soylu wi sniğartheyda Adile Gurbuz.

Ba kıthawyotho dıfrisi bu Twitter d’farsufe mşahılfe, kımahwın u hfuxyathe mqabıl du komplo dsim calu qoyumo Çelik u calathe hın menaye kımmi; U qoyumo klozım dmitadcır li wolithayde, metul dmahwele ftiho dhano komployo dsim acle, dılo qay a 2 neşani hawilın ytawto camu waziro di gawoyutho du athro.

Bi ytawtathe mın drışlın, mın fayıt beynothaye latyo idico, elo kmahwın dkıtne a 3  fsihoye dmatın l’fusqono bu mede dı drışlın. Ba kthawyotho dıkthiwi bhaq di sbutho da surothani dnahiti lu tbcoco froso hın ma kathowe  kımmi ftiho; dıkmahwe hano komployo, u bebzabno hın menaye mawdaclın du gabo d’HDP klozım dmafıt u fusqono du tewfiqo du qoyumo mu gabo, me qul di cayno.

U mede dıkgorış u zuhoro, di sniğartho di athtathe dkıtyo hıdo mu gabo d’AKP u dımraşahwola ruha mi fnitho d’Batman, bi sıra dan 4 mu gabo d’AKP yo. Ha kımşayıl man mbayanle dhuwyo i sniğartho yaste me lalcıl mbayno? Bu zabno dothe a sebwothani gıdnufqi li holo