Malfono Gabi Gawriye mhase bu athro d’Lebnon

U rişono di Knuşto da Hawrone du Leşono Suryoyo malfono Gabi Gawriye, bsaybutho nqil ma hayani bu athro d’Lebnon.

 Malfono Gawriye dıfriş u fağrayde ma hayani, gıdfoyış hayo ba kıthowe dıtrele u bu tacbo rabo dmahwele leşan i zahyutho du leşono Suryoyo mqadşo.

 İ umtho Suryoyto 25 bu yarhano mvayacla ha ma camude rabe di yortutho u du leşono Suryoyo bıthır mdıfrışle ahayayde xıd mbahnono bu haqlo di yortutho Suryoyto u malfono du leşono Suryoyo b’Lebnon u bu athro d’Amerika.

Malfono Gabi Gawriye dınqil ma hayani bcımro dzıd me 90 ışne, u rişono di knuşto da hawrone du leşono Suryoyowe. Mbayn da casrowat dıkthowe dıfrısle cali sefroyutho u calu leşono Suryoyo, mnoho malfono Gawriye bi harayto da fulhone dsımwole mtargamle u humoso dıkthule omuro Sacıd Sacdi bu ışmo dı tawbo di feshutho lı mimre bu leşono Suryoyo.

Mhasyo malfono Gawriye mzawağwole ahayayde cam Terez Daqqo, u kıtle arbıco nacime dıkhoyın bi golutho Cabbud, Malke, Pola u Jizel, u kıtleste ahuno u tarte ahwotho. U fağro du mhasyo malfono Gabi Gawriye, gıdmicafe yawme dı cruto dıbqamuthayna bi cito d’Mor Yacqub Dasruğ da Suryoye Ortodoksoye bi mditho d’Bayrut.