Masrıh kohno hatho, li cito Suryoyto Orthodoksoyto di mdito d’Västerås du Swed
Masrıh kohno hatho, li cito Suryoyto Orthodoksoyto di mdito d’Vesteros du Swed. Abuna qaşişo Gabriel Barsawme, masrıh kohno mi qadişutho du fatıryarxo Mor Afrem II uma hsayo u kohne dkıtwın hadire bi cito d’Mor Kuryaqus d’Vesteros.
VASTERAS, Swed — Athmıl mrayşanle i qadişutho du fatıryarxo di cito Suryoyto Orthodoksoyto Mor İğnatiyos Afrem II i slutho dsimo bi cito d’Mor Kuryaqus dkıtyo b’Vesteros du Swed. Cami qadişuthayde’ste hadiri a hsayo; Mor Filoxenus Yusuf Çetin, Mor Diyosqoros Benyamen, Mor Yuhanun Lahdo u hasyo Mor Augin Alkhori Nemat.
Bıthır mi slutho, u fatıryarxo wa hsayo dacme sımlın u zawho ruhonoyo di masırhonutho d’Gabriel Barsawme lu darğo d’qaşişo. U kohno hatho dmasrıh li marcitho kula, u abro d’Abun Xuroyo Şamcun Barsawme’yo dkıtyo u mkahnono di cito d’Mor Kuryaqus d’Vesteros.
Bu dumyano, mıdle Abuna Gabriel mşalutho ruhonoyto u hawi geşro beyn d’Aloho udu camayde, rucyo dıkxodım i citayde i Suryoyto. U kohno hatho mawlıd bi şato dan 1981 bi qritho d’Karboran b’Turabdin me abohe mhaymne Abun Xuroyo Şamcun u Xazme Barsawme.
Bi şato dan 1985 mgalwele lu Swed u şafıc u maşıqlo du yulfono kule u qrele bıthır b’botaysawbo frişe-xıd master di theologia b’Princeton, doktora di theologia bi bethsawbo d’Uppsala uğer. Ba 2011 mhayadle a hayayde cam Lydia Barsawme u babo d’2 bnotho’yo. Ahnaste cal ışme di mdabronutho d’Suroyotv, kımhanena u kohno hathto bi xıdmayde lu camo uli cito Suryoyto Orthodoksoyto bu Swed.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
