U calcolo d’Amphan qtile 84 farsufe

Hawi Supersyklon, awkith calcolo qaşyo b’Asia.

 U mınyono da bnaynoşo dımvayaclın a hayathe bu calcolo qaşyo dhawi b’Asia, mati lan 84 farsufe.

U calcolo qawyo dımhele ba yawmothani athrawotho frişe d’Asia, huwle husrone rabe. Bu Hınd ubı Bangladeş, mvayaclın 84 farsufe a hayathe mu calcolano d’ışme Amfan (Amphan).

Mcal fothe di hawa qwitho uda mattre qaşye dnahiti-mahıt u calcolano bu kategori/bu haqlo d’Supersyklon du surhobo di hawayde matyo l’44 metrowiye bi rfıfto.

Ban alfayo dıbnaynoşo fayişi dlo bote wu hawi tawfone bı mdinotho frişe da 2 athrawothani. Mawdıc’ste, dhani 20 eşne, lawi hawxa calcolo qaşyo bu Hınd ubı Bangladeş.