Masrih kohno me Mawsal l’Omid

Bu syomido du rişhsayo di marcitho d’Omid di cito Kaldoyto dı Turkiya hasyo Mor Remzi Karmo, u şamoşo Ewengeloyo Fahıd Aal Murad masrıh yawme d’Huşabo dşaficina lu darğo di kohnutho u hawi u rucyo mşablono di marcitho d’Omid Diyarbakır dı Turkiya.

U tekso di masırhonutho sim bi methcadronutho du Monsinyor xuroyo Franswa Yakan u qaşişo Remzi Diril.

İ masırhonuthathe dımtaybo bi cito du Ruho Qadişo bi mditho d’Stambul, mıştawtaflela hsayo u kohne, dayroye u dayroyotho ma citotho mşahılfe dı Turkiya, baynothaye u mathlono şlihoyo di cito da Latinoye d’Satmbul hasyo Maksimilyano, u rişhsayo di marcitho d’İzmir da Latinoye Mor Marten wu mathlono fatıryarxoyo da Suryoye Qatholiqoye b’Turkiya Monsinyor Orhan. Li masırhonutho du kohno hatho d’Omid mıştawtafle ste şamoşe m’Stambul umhın hiğmınwotho Turkoye cami gudo du koral di cito du Ruho Qadişo u kunoşo rabo dımhaymne, baynothaye i iqratho wu ahıl du kohno Fahıd Aa Murad d’athın mu Ciraq um’Kanada.

Hasyo Mor Remzi Karmo bu mamlo dsımle bi cohnutho du yawmano, mhanele u kohno hatho wi iqarthayde, u mawdacle du mede ulsoyo dkulle dıklozım dmitasır ebe u kohno i slutho yo.

Qaşişo Fahıd Aal Murad mawlıd bi mditho d’Mawsal bu Ciraq bi şato da na’1984, mkamele u qroyayde bi bethsawbo du filosofi udi thiyoloğiya d’Bobıl bu Ciraq. Sımwole mşablonutho bı Mawsal ubi cito d’Zaxo ubi qritho d’Mangeş, ubıthır mathe sımwole mşablonutho b’Turkiya dımdawamwola lıkmo ışne.

Qaşişo Fahıd mşamahle ruhe bu ışmo du qadişo Atqın dkıtyo u şfico di qritho dkothe mena Emra bu garbiyo du Ciraq.