Mawde bi gudo d’FC Tur Abdin b’Pohlheim
İ gudo di esfirreğlo d’FC Turabdin-Babylon b’Pohlheim d’Giessen d’Almanya, bıthır saliqo lu Ğrob du Ha, mawde ucdo eba ruşmoyith bu makthbo du rişono di karxutho b’Pohlheim. İ gudo du camaydan bıthır mıd qmırwola a muroye du ğrob da gude di marcitho d’Hessen, saliqo’wa bu yarho d’İyor lu darğo qamoyo.
POHLHEIM-GIESSEN, Almanya — İ gudo di esfirreğlo du camaydan du hudro d’FC Turabdin-Babylon b’Polheim d’Giessen, maczımo mu rişono di karxutho Andreas Ruck leşan zawho ruşmoyo. Bu zawhano u rişono di karxutho wa hadome u mıştacyone di gudo du camaydan, mdelın an ışmonathe bu kthowo dahbono di mdito.
Hathe kuthyo li mıcne, di zoxutho di gudo d’FC Turabdin Babylon mawde eba ruşmoyith’yo wi dawsathe’ste, mfaşıqo ğalabe ulsoyto hem lu camaydan di mdito u hemste lu hudro di esfirreğlo dhani eşne yarixo kobe tacbo u yuqro la droşe ula muroye da gudayde-dilonoyith i gudo dkıtyo ucdo bu darğo qamoyo du lig.
Bu zawhano, a mşale du hudro d’FC Turabdin Babylon mqadamlın tahınyotho lu rişono di karxutho Ruck uli mdito kula cali zminutho ucali mawdyonutho di gudathe u mırlın; Fsihoye’na u kıtlan şubhoro dhawina falqo du makthabzabno di mdito.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
