Mored da şuğlone du cameydan mahwelın hfuxyo mqabıl da tedbire dmidi ma şultonwotho urifoye
A more da şuğlone du cameydan, mahwelın hfuxyo mqabıl da tadbire dıkmaydi a şultonwotho d’Urifi, dlıkmıftakri mıqa u kewano kımathır aclaye.
Kımo farsufe manabne du cameydan, mabdelın dafo du nawlo dımahıtlın ışma Mahwayo awyutho cama more da şuğlone nacime.
Bi sbutho da tadbire dmıdlın a şoltonwotho mqabıl du kewo di Corona matharle calu momuno da more da şuğlone nacime sagi, mawxa hın ma farsufe du cameydan bu Swed mabdelın dafo du nawlo dı mahıt ışma stå upp för små företagare mahway awyutho cam more da şuğlone nacime.
Bi mawdconutho dmıdlan ma mathlone di dafathe mawdaclın, dımşarelın i dafathe metul dı hzelın a more da şuğlone mathri lo tawo ma tadbire dı mahti mqabıl du kewano di Corona, wa şıltonwotho lı mawdaclın mın tadbire kıtlın laşan dısındi a more da şuğlone nacime du ekonomiyathe kmazcıf.
Bi mawdconutho mırlın mşarelan kımo farsufe Suryoye-Othuroye elo ucdo zaydina zıttır me casro alfo me hiyoywotho mşahılfe. Bu şuwolo dımşayelan u nişo mınyo me bıthre du hfuxyano a mathlone mawdaclın dmahwina hfuxyo mqabıl da şıltonwotho lo du Swed belhude elo bıbritho dıklozım sındi a more da şuğlone dımathro lo towo mu kewano di Corona.
A mathlone mırlın knıtrina mu camo dmahwe awyutho u dcobır li dafo u dhowe sanodo laşan maşımcina u qoleydan qweytır.