Mqafe athar catiqo du cameydan bi Sucudiye

Bu athro di Scudiye mqafe luho du qabro dha Mşihoyo dıkthiw acla bu leşono Suryoyo Strangeloyo.

 Lfuth i kthawtathe di luho, u qabro dıha farsufo mu camaydan di cito d’Madınho du Iraqyo.

 Bakmo yawme dşaficina, a’dafe du tbocofroso kenşoye frıslın hezwone u surotho d’luho maktabzabnoyto dıkmitahto calu qabro, leşan dmidıc manyo du farsufo dkito bu qabrano. İ luho du qabro kthiw acle b’leşono Suryoyo Strangeloyo, u kmagle du qabrano dıha mu camaydan di cito d’Madınho du Iraqyo.

Bi lohithathe hawxa kthiw: b’şem abo w’abro u ruho hayo qadişo…. u qabro du mhaymno şariro, du gabro zadiqo dkıtwe morıd taybutho u ahuno rhimo myaqro Yawsef u wabro d’şamoşo Fetrus.

İ tahwithathe kıgırşo u zuhoro cali cito d’Madınho du camaydan dımbaşarwola bi tawditho Mşihoyto bu athro di Scudiye ba dore qadmoye di Mşihoyutho, u bebzabno kmagılyo calu leşono Suryoyo dkıtwe bu zabnawo u leşono rişoyo di fnitho.

Lfuth atahwiyotho dıfrıswole u tlithoytube mnohnafşo fatıryarxo Mor İğnatiyos Afrem Qadmoyo Barsom, i Mşihoyutho frisowa bi Scudiye u ba nathrawotho hrene du Xaliç bu doro qadmoyo di mbaşronutho da 12 şlihe, u kmisım taxmin du waziro Kindaka di mamlaxtho d’Saba frıswole i Mşihoyutho bu athro di Scudiye ubu Xaliç bıthır mıdmawdewole li Mşihoyutho cal idıd d’Filipos u şliho.

U malfono di madraşto di thiyoloğiya d’Al İskandariya qaşişo Yentanos, mşataswole i şato da 225 menyono d’marciyotho bi Scudiye, baynothaye i marcitho d’Najran ud’Alyamama. Bebzabno, u Qaysar Bizantoyo Qısantinos mşataswole tloth citotho bi fnitho du Xaliç.