Mrayşın 40 şamoşe u şamışyotho bi Mıdyad
U hasyo di marcitho d’Turabdin di cito Suryoyto Orthodoksoyto Mor Timotheos Samuel Aktaş camu kohno İsahk Ergun, mrayşanlın i slutho dsimo athmıl bi cito d’Mor Şarbel b’Mıdyad. Bu zawho ruhonoyo dsim, masrıh’ste 40 şamoşe u şamışyotho l’darğe frişe di cito.
MIDYAD Tu Abdin — U metrofolito d’Turabdin udi dayro d’Mor Gabriel i mcalyutho du hasyo Mor Timotheos Samual Aktaş mrayşanle camu kohno d’Mıdyad Abuna İshak Ergun wa şamoşe hrene u Qurobo Alohoyo dsim athmıl bi cito d’Mor Şarbel bi mdito d’Mıdyad.
Bıthır mu Qurobo Alohoyo, mtayıb zawho ruhonoyo dilonoyo lan abne di mdito.
masrıh lfuth u tekso di cito Suryoyto d’Antiyoxia hol 40 qoruye, şamoşe u şamışyotho l’darğe frişe; beynothaye 15 Afıdyaqne, 15 Qoruye u 10 şamışyotho.
Bu yawmano, u hasyo mqalasle u tacbo da malfone-Ayhan Gurkan di cito d’Mor Barsawmo, malfono Tony Ergin di cito d’Mor Şarbel u acmaye u kohno İshak Ergun u Yusuf Turker mu Mawtbo da Citotho b’Mıdyad. Bu mamlayde u hasyo kali calu dawro da şamoşe/şamışyotho dkobın haylo u ruho hathto li cito.
Bebzabno i mcalyuthayde, frışle duktho cali şawtofutho da nacime udi claymutho ba haye di cito ucali sniqutho dkito, dımdawmi dmaydi u yulfono d’Mşiho wi mşablonutho du madhıbho u d’yulfi a timoyotho di tawditho Mşihoyto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
