Mşarela i maşritho d’Syriac Youth b’Swisra
U Şutoso di Claymutho-Syriac Youth, adyawma mabdele i maşrithayde di claymutho bu athro d’Swisra. Bi maşrithathe dgımdawmo zabno d’şabtho, gıdmitahwe eba yulfono cal sebwotho frişe. Li maşrithathe di Claymutho d’Syriac Youth, mıştawtaflela hol 40 clayme u claymotho du camaydan b’cımre mşahlıfe ume dukotho frişe d’Urifi.
SWISRA — Adşato’ste mtayable Syriac Youth maşritho li claymutho du camaydan dıkcayşo b’athrawotho frişe d’Urifi. İ maşrithathe mşarela adyawma b’Swisra u gıdmdawmo hol 9 bu yarhano d’Ob bi mıştawtıfonutho dhol 40 clayme u claymotho mu cumro da 15 uhola 20 eşne.
İ claymutho gıdmıfroşo l’sedre frişe u lfuth u cımro wu leşono dıkmıjğoli ubu tarano gıdobın a mdabrone di maşritho a herge dımbayni. Hın ma sebwotho dgımitahwe yulfono aclaye kito u makthabzabno du camaydan, u Sayfo dsımwola i mamlaxtho da Cuthmanoye calu camaydan ucala Mşihoye hrene ban 1915.
Sbutho hreto ulsoyto, u dawro dkıtla i claymutho bu maşıqlano ulu dactith du camaydan’yo u gıdmisım workshop uğer. Elo bi maşrithathe u zabno kule latyo frişo lu yulfono du teori. Kito’ste tuyole u hzuqyo cami claymutho l’dukotho frişe b’Swisra u acmaye, ğer hfitwotho marduthoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
