Mşarelın agzome mqabıl du qoyumo Paylan dhuwole rmoyto dmitıctarıf bu Sayfo dan 1915

İ zıhniye da qotule du Sayfo dhawi bi şato da 1915 nafiqo li holo naqla hreto mqabıl du qoyumo Armınoyo Garo Paylan dkıtyo du gabo Demoqaratoyo da Came-HDP.

Bıthır mi rmoyto dımqadamle u qoyumo Paylan dmitıctarıf bu qtolğenso, u qoyumo şaryo Umit Özdağ gzımle u mırle; Hatste gıdhowıt nesyuno xıd Talat Paşa.

U qoyumo du parlemento d’Turkiya mu gabo demoqratoyo da Came Garo paylan ba yawmotho d’şaficina mqadamwole rmoyto lu parlemento d’Turkiya laşan dmitawbıl u sayfo dhawi bi şato da 1915. Be bzabno huwole maqırhonutho dmırwole bıthır me 106 du sayfo heş kmalxina ba şuqone dışmaye Talat Paşa u kımşadrina a nacimeydan la madraşyotho dugtocni u ışmano,  en Almanya dhowewo eba şuqone aw madraşyotho b’işme d’Hitler mışkıl gıhuyowa, bhawxa Turkiya kcayşina.

Bithır mi rmoytathe u mi maqırhonuthathe  mşarelın a gzome me farsufe u mşale u mati l’qoyume xdu qoyumo şaryo dmeqım du gabo iyi Umit özdağ dıkthule hakarat u be bzabno gzımle u qoyumo Garo paylan lu qatlo.

Bu mamleyde dkıtyo b’hakara komır en hate sti lık bosamlux zux marke nfaq. Talat paşa qtile hani dmohınwo me laxalf l’Turkiya, hatesti gıdhowıt nesyuno mıd talapaşa awste klozım howıt. Paylan bu funoyo dhule l’Özdağ mırle u mede dı fayış mi zihniye dı lhele u cameydi komır naqa hreto gıdsaymina. Qay hatu mhalxu ahna lo mayithina,  bele mayithina, elo a fayoşe lı trelın ağuno dımqabıl di lo kinutho, bıthır meniste lı torılla. A farsufe di sagiyutho dkıtlın vijdan bu athrano lı trelın i wahdo la faşist dxudothux u lıg torınle.

Bıthır ma droşani u hudro da Zedqe noşoye d’Turkiye hule maqırhonutho u mırle ahan xıd hudro da zedqe noşoye gıdfıthina buqore bhaq d’Umit Özdağ, u hudro komır kıtwolan sabro dnoşe sniğro mede meqım mennan dı fotahwo bu quro bhaq du qoyumano elo gnıtrina. Tala Paşa dmitamır harke ha ma farsufe mşatsono du qtoğınso dcala mşihoyewe dkıtwe mu şutoso i’İtihak Taraki u kıtwole wolitho di wazirutho gawoyto du zabnawo.