MUB frısle egartho d’buyoe li iqartho du mnohnafşo Murat Beth Çino-Gigo

U Mawtbo Umthoyo d’Bethnahrin, frısle egartho d’buyoe li iqartho du mnohnafşo maqıdşoyo Murat Beth Çino-Gigo.

 İ egarthathe d’MUB, mqadmo la tarte hadımyothayde Nisane Hobel u Zero Gigo.

Sictho di Rişonutho du Mawtbo Umthoyo d‘Bethnahrin-MUB ba melani kımşaryo;

U myaqro du babo da hadome du Mawtbo Umthoyo d’Bethnahrin Nisane Hobıl u Zero Gigo, Maqedshoyo Murat Toprak Beth Çino (Gigo) 18 bu yarhano b’cımro d’89 ışne mi celtho di sobutho, mhase bi mdito d’Midyad b’Turabdin.

U mhasyo du holo Murat Beth Çino dmawlıd ban 1932 bi qritho d’Ciwardo b’Turabdin cami bartzawgayde Safyaye Be Grigo kıtwolın 2 abne u 3 bnotho. İ bartho i Sıtto mhasyowa ba 2015. U mhasyo bıthır me cımro yarixo dcayişwo b’Ciwardo mgalwele cami iqarthayda l’Swisra, u xıd kull babo bgawe di iqartho  huwle tacbo u fedekariye u macışle i mothonoyutho, i mardutho,  i hubo, u leşono, wi haymonutho du camaydan dkıtle li tawdithayde.

MUB mırle; U mhasyo du holo Murat meqım dmihase calu talabayde, mawbalwo li qrithayde dmawlıd u yaruw eba l’Ciwardo. Ahnaste xıd ağuno bi idactho du tacbo udu dawro dhawilın a babonaydan, bi hubo di mothonoyutho udi umthonoyutho ksaymina harake u kmacışina a uhdonaththe, a hasrat dıthe bu ağuno dkobina lşan i hirutho.

Bu huthomo MUB mırle; Xıd Mawtbo Umthoyo d’Bethnahrin bu şuroyo kımqadmina a buyo’aydan la hawrotho Nisane Hobel u Zero Gigo uli iqartho mothonoyto du mhasyo holo Maqedshoyo Murat Toprak Beth Çino u kfılğina u haşo mayiro du babaydan u mothonoyo u ktılbina me Aloho dhowe dukthe i malkutho şmayonitho.