03/08/2021

Nadine Maenza maglela cala hçome u cala hawbe dıksaymo Turkiya wa marhıbonayda bu garbyo u bu madınho d’Suriya

U Komisyon Amerikoyo di Hirutho Emwothoyto da Tawdiyotho sımle qroyto li şultonutho d’Woşington u gawonoyith lu kenşo Emwothoyo dsaymi hboso cal Turkiya, leşan dmaklıyo a hawbe dıksaymo ba dukotho dıkbişila bu garbyo u bu madınho d’Suriya.

Bi maqıblonutho dsimo cami rişonitho du Komisyonano Nadine Maenza, bşıkıl rwiho maglela cala hçome ucala hawbe dıksaymo Turkiya wa marhıbonayda bu qlimano.

The US Commission on Freedom of Religion-awkith u Komisyon Amerikoyo di Hirutho Emwothoyto da Tawdiyotho dıkmirayşın mi hfıto Nadine Maenza, tlıble mi şultonutho d’Woşington umu kenşo Emwothoyo dnufqi mqabıl d’Turkiya. Bi maqıblonutho dsımle Hawar cam Maenza, bşıkıl rwiho mahkela cala hawbe frişe dsımla Turkiya wa marhıbonayda ba fenyotho dbişla bu garbyo ubu madınho d’Suriya.

Bi maqıblonuthathe Maenz mawdacla d’Amerika udu kenşo Emwothoyo lıkowe dmaqbıli a hawbani dıkmaşyo Ankara u mırla; Ulsoyo’yo da tukose şarye dqudri dızzın b’hirutho l’Afrin uğer dukotho dkıtne kbişe me Turkiya leşan dqudri dımtaybi taşrore u tahwiyotho cali şrorutho di aykanoyutho di fnitho. Bi sbuthathe, kalyo calu qedomo dhawila Turkiya la bethqbure da Sohde b’Afrin.

Cala tedbire dmahıtla i wazirutho du momuno cal mşale u ğrobe dkıtne masre b’Darımsuq u b’Turkiya, Maenza mawdacla i fsihuthayda u mhanela u fusqonano wu grışla u zuhoro cala hawbe barbroye dsimi bi fnitho wu dyoşathe cali hirutho tawdithoyto, cala zedqe noşoye u ucalu qatlo di hfıto Hevrin Xalaf. Maenza mahkela’ste cala socurwotho dsımla lu garbyo ulu madınho d’Suriya wa droşe dhawila cami Mdabronutho yothoyto cali hirutho tawdithoyto.

Lfuth Maenza, Emwotho Mhaydotho, a tukose da zedqe noşoye xıd Amnesty u Wilson Center, u Huyodo d’Urifi uğer, klozım dsaymi buhone u dımalimi tahwiyotho cala gunhani dıkmisomi cal Afrin ucala hawbe da qatle, da teçawuze, da htofe, du tehriwo da dukotho tawdithoye uda bethqbure da Ezidoye, da Mşihoye, da Kurdoye uda came hrene du qlimo