Pompeo mawdacle dıgmahti tadbire calu İran

U waziro di baroyutho d’Amerika Mike Pompeo hule maqırhonutho cala tedbire dkıbco Amerika dmahto calu İran.

 Bıthır mıd u fusqono du tehito da tedbire dcalu İran lo fayıt b’Emwotho Mhaydotho, fsıqla Amerika dmahto tedbire calu İran 20 bu yarho d’İlül dıbqamuthayna.

 İsbutho di mwatyutho dkito beyn du İran u d’Amerika kımdawmo. U waziro di baroyutho d’Amerika Mike Pompeo mawdacle bıthır ma droşe dhawilın cam Emwotho Mhaydotho u caman athrawotho d’Urifi matın l’fusqono dmahti tedbire calu İran.

Pompeo bi maqırhonutho dıfrısle bi dafayde du Twitter mırle; Amerika bıthır me 20 bu yarho d’İlül di şatathe gıdmahto tedbire calu İran. Pompeo mawdacle bıthır mıd hın athrawotho lo mıttafaqlın acmaye bi sbuthathe bu taro du Mawtbo di Mşaynutho d’Emwotho Mhaydotho, Amerika law kiba d’nutro u mıdla u fusqoneyda u gdımhalxo bıthre.

U waziro di baroyutho d’Amerika Pompeo bi maqırhonutheyde mırle; Amerika mıdla u fusqonano, anathrawotho dkıtne b’Emwotho Mhaydotho kıtlın zabno d’yarho dımşahılfi u renyathe u dsaymi awyutho cam Amerika. Dloste Amerika gıdmdawmo bu fusqonano u gıdmşaryo ba tedbirayda dcalu İran.