06/02/2021

Qasad ba cuqobe dsımle msıkle 30 marhıbone d’Dacış

 A Haylawotho d’Suriya Demoqratoyto, hani 2 yawme kısaymi cuqobe casye cala ğrobe marhıbone d’Dacış bi Hasake ubu qlimo d’Deyr Ezzor.

Bi maqırhonutho dıfriso cala cuqobani makıd, dımsıklın hol 30 marhıbone u mahıt ido cala zaynathe u mahrıwi a nuqazyothathe.

A Haylawotho d’Suriya Demoqratoyto, frıslın maqırhonutho cala cuqobe dmabdelın ba 2 yawme haroyani cama krılyotho da ğrobe marhıbone d’Dacış bi Hasake ubu qlimo d’Deyr Ezzor. Bi hamle da cuqobe da 2 yawmani, mawdıc da hayle d’QASAD msıklın 30 marhıbone d’Dacış

Bu zabno da cuqobani’ste, mahrıw mınyono d’hlile-tunnele dmıstacmıliwolın a marhıbone xıd nuqazyotho du tuyobo da hçomathe u mahıt’se ido cal kmoyutho rabtho d’zayne, buğre uğer lojistik folhoyo. A krılyothani d’Dacış, hani zabno saymiwo swikaste u hçome hedor i Hasake bnişo dmohın dharbo la falohe u mşale di Mdabronutho yothoyto du garbyo udu madınho d’Suriya.

Bebzabno u qentrun du tbocofroso d’QASAD huwle mawdconutho cala cuqobe dsımlın a Mharbonayde b’Deyr Ezzor qariwo la thume du Cıraq. Ba cuqobani’ste msik mınyono d’marhıbone u mahıt ido cala zayne ucal lojistik folhoyo da marhıbone. Ba yawmotho dıbqamuthayna’ste, gıdmıfrıs maqırhonutho rwıhto cala cuqobani dsımle QASAD.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…