Qoyumo Armnoyo Garo Paylan u gelyonoro Hayko Bagdat hulin turgome b’Hollanda u Bruksel calu aguno sosyalist Arminoye

I hfituthathe dsimo bu hudro  cal sbutho da aguniste sosyalist Arminoye bu zabno da 1915 u bithir mu Sayfo. Bi qamayto mahve film dokumenter cala sosyalist Arminoye u cali mardutho, calu aguno u tahrasto dkıtwo bu zabnawo. Bithir mu film, sim panel cam mdabrono du film Kadir Akin, qoyumo di HDP Garo Paylan u kathowo u galyurono Hayko Bagdat.

Mdabrono Akin mahkele calu siyomo du film, u i olsoyutho da cama Mishihoye bu doro haroyo di Osmanliye. Galyunoro Hayko Bagdatste mahkele cala siyasat dmaşe bi Turkiya bithir mu qtol camo da 1915 wu şıkıl d’mawfaqlın a came mşihoye ma thume d’Turkiya.

I tashdarto d’ESU havila mamlo dilonoyo bi ramşitho  cam qoyumo Garo Paylan u Hayko Bagdat calu şıkıl da  fulhone mıştawtfe  u şuşote  haroye u dilonoyith a şuşote dkıtne maser bu cameydan u bu Madenho Mescoyo u a qalilotho bi Turkiya.

Me gabo hreno a mathlone da şutose du mawtbo umthoyo d’Bethnahrin MUB d’Hollanda mıştawtafwolın li hfitutho  dsimowa bi knuşto Armnoyto d’Almelo d’Hollanda. Bi hfituthathe ste mahwe u film dsim cala sosyalist da Armnoye bu zabno du Sayfo u bıthır u qoyumo du gabo di HDP Garo Paylan mqadamle mamlo la hadire dkıtwene Armnoye u baynothaye mu cameydan u suryoyo.