Şutose du Mawtbo Umthoyo d’Bethnahrin b’Almanya u bu Swed mcayadlın u cedo dha Nisin Akitu

A şutose du Mawtbo Umthoyo d’Bethnahrin (MUB) b’Gutersloh mcayadlın u cedo dha Nisin Akitu bıhdo hfitutho dsimo bu qentrun marduthoyo dkıtlın. Me gabo hreno a şutose d’MUB bu athro du Swed ste mtayabwolın hfitutho d’Akitu bi beth mardutho d’Bethnahrin.

Li hfitutho dımtaybowa ma şutose d’MUB hadiriwo a mathlone di Mtakasto othuroyto demoqaratoyto u köhne mu qlimo. Bi hfituthathe sim mamle bi cohnutho d’Ha Nisin u cali awyutho dhawyowa bayn li Mtakasto Othuroyto Demoqratoyto (ADO) u lu Gabo Huyodo Suryoyo (GHS) bu athro d’Bethnahrin d’Suriya.

Bhaq di awyuthathe i mlahmonitho zawgoyto du wahdo d’Suriya Elizabeth Gawriye mahkele cali awyutho dhawyo calu darbo du nawlo la hadire. Bıthır m amale dhawın ma hadire i hfitutho thimo bu zmoro basimo du zamoro George Safar dmaşmacwole zmaryotho umthonoyotho la hadire.