Qtil mtagliyono Iraqoyo u mçarıh ba casrowat farsufe bi mditho d’Alnasiriya

Qtil mtaglıyono Iraqoyo u mçarıh ba casrowat hrene, ba taxtuşe dhawın cama hayle di mşaynutho bi mdito d’Alnasiriya dkıtyo u qentrun di hiğmonutho d’Dhi Qar.

 Me gabo hreno, u waziro di baroyutho du Iraq Fuad Husayn mawdacle dlayto mede ışme mrodo bu Iraq, cal dkıtyo athro demoqratoyto, u mırle; Hani dıkmhalqi soruhe marıhbonene.

U qoyumo Iraqoyo di hiğmonutho d’Dhi Qar Hazem Alsacidi, mawdacle dıqtil mtagılyono u mçarıh hol 30 hrene, ba taxtuşe dhawın adyawma cama hayle di mşaynutho bi mdito d’Nasiriya. Lfuth u qoyumo, a mtagılyone ktılbi dmitaqım u hiğmuno d’Dhi Qar u dmimodi a mşale kulle di hiğmonutho ma woliyothathe, ubebzabno  kıtulbi dmimıd hşowo ma qatolathe.

Cali mwatyuthathe dkito bi mdito, mşalo mi mdabronutho di hiğmonutho d’Dhi Qar, mawdacle du waziro di gawoyutho du Iraq Cuthman Alğanimi wu mşawrono di mşaynutho umthoyto yatiwi cama rişone da caşıryotho ucama mathlone da mtagılyone d’Nasiriya, elo hulucdo lo magle cali netiçe du knuşyano.

İ hiğmonutho d’Dhi Qar, nuqazto hfitto da tagılyothoyo, u khoye eba 2 mılyune dıbnaynoşo, uhani ışne kmisım tagılyotho mqabıl di aykanoyutho harıwto di mşablonutho wi bsirutho da fulhone.

Me gabo hreno, u waziro di baroyutho du Iraq Fuad Husayn, bi maqıblonutho dsımle acme mawdacle du Iraq, athro demoqratoyo’yo, ulayto ebe mede dışme mrodo. Husayn dmawdacle di şultonutho du Iraqyo dtlıbla ma Amerikoye dımcadrila, u mırle; Hani dıkmhalqi a soruhe marhıbone’ne, u kfılhi mqabıl di şultonutho udu camo Iraqoyo.