Roony Bardghji mdele kontrakt cam Barcelona
U mıştacyono idico Roony Bardghji dmıştacewo bi gudo di esfirreğlo du Swed, mdele ucdo kontrakt cami gudo mşamahto d’Barcelona. U Roony dkıtyo cımre 19 eşne umu camaydan d’Holob d’Suriya, mawlıd bu Kuwait wi emo Suryoyto’yo wu babayde kıtle şerşo dan Armınoye.
BARCELONA — Ucdo hawi ruşmoyo, d’Roony Bardghji, gıdmıştace bi gudo idıcto d’Barcelona. U Roony dkıtyo mu camaydan, kthuwle kontrakt cami gudo di esfirreğlo d’Barcelona holu yarho d’Hziron da 2029. U hudro d’Spania komır; Cımre belhude 19 eşne’yo, u mıştacyonano idico’yo bi kaşiruthayde, dkıtyo xayifo u mohabtho du syomo da fuhome. Hani diloyotho’ne dıksaymile l’mıştacyono towo.
U Roony Bardghji gıdmşare ucdo bi gudo d’Barcelona-Barça Atletik, elo gıdmdarış cami gudo rişoyto leşan dmicaqıb u teştcınyayde. Roony dkıtyo mıştacyono professional di esfirreğlo, mawlıd bu Kuwait 15 bu yarho d’Teşrin u haroyo da 2005 me emo u babo dkıtne Suryoye me Holob d’Suriya.
U babo du Roony kıtle’ste şerşe dan Armınoye. İ iqartho mgalwewola ba 2012 l’Kallinge du Swed bu zabno dkıtwe u Roony 6 eşne u mıştacewole cami gudo di mdito. Ba 2020 nqile mi gudo d’Malmö li gudo d’Köpenhamn d’Danmark uba 2022 mıdwole duktho ba muroye d’UEFA Champions League.
U kontrakt dcam Danmark bıthır mıd mati li haraytayde, i gudo d’FCK u Barcelona mıttafaqe dşofıc u Ronny l’Barcelona b’timo 2 milyone euro. Bu mamlo dsımle u Roony b’Katalonia mırle; Fsihoyono ğalabe. Hano mede rabo’yo eli uli iqarthaydi ulu Swed kule. U hulmo dkıtwoli b’necmuthaydi’yo. U Roony hawi u mıştacyono dan 4 du Swed, dıkmızwın li gudo d’Barcelona.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
