SAYFO: hedoro d halxe leşan i kinutho b’Sidney u b’Melbourne
U camaydan, an Armınoye wa Yawnoye dıkhoyın b’Australia, kımtaybi ruhaye li taglitho dgımisomo 24 bu yarhano ba mdinotho d’Sidney u Melbourne. Bi taglithathe dmahıt ışma; Halxo leşan i Kinutho, gıdmıtlıb mu rişwazire Scott Morrison dmawde bu qtolğenso dsımwola i mamlaxtho da Cuthmanoye cala abohotho da tlotho camani.
AUSTRALIA – March For Justice awkith Halxo leşan i Kinutho, u hashtag wu slogan di taglitho dgımisomo yawme d’Huşabo 24 bu yarhano d’Nison’yo. I taglithathe gıdmisomo b’Hyde Park qariwo li cito d’Yuldath Aloho bıthır me falge d’yawmo u gıdhudrila a boduqe d’Australia, rişone tawdithoye u folitiqore wu mathlone da 3 camani.
B’Melbourne’ste gıdmıltım qum du parlamento u gıdmdawım u halxo holi betharke di mdito. Li taglithathe dgımisomo ba mdinotho d’Sidney u Melbourne d’Australia, u camaydan, an Armınoye wa Yawnoye gıdgurşi u zuhoro calu Sayfo dsim aclaye ban 1915 mi mamlaxtho da Cuthmanoye.
Bebzabno a 3 came Mşihoye dmafitiwo an abohothathe bu Sayfo, gıdtulbi mu rişwazire Scott Morrison dmawde da hawbe barbroye dsimiwo aclaye mi mamlaxtho da Cuthmanoye dkıtwe qtolğenso. Bu şıkılano, i taglitho d’adşatoste kmisomo bu taro du inisyatif mşawtıfo di Kinutho dmarkawo bu yarho d’Şbot da 2020 mu camaydan, man Armınoye u Yawnoye leşan u snodo di mawdyonutho bu qtolğenso dan 1915.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
