Sedat Peker mofaqle video hatho kımhaqır Süleyman Soylu

Sedat Peker dkıtyo ha ma rişone da grube di tagorutho da gelone mtanwone u dkıtwe meqım qariwo li şultonutho  d’Turkiya frısle u video da şawco, dıkhoçım ebe calu waziro di gawoyutho Suleyman Soylu dkomarle; gıfmancamno i şaxsiyeydux ğalebe hul dkibe mitahto bu sanduqo di kabrite.

Peker bu mamleyde komır kmidawmarno aydarbo farsufo haqqa bşaxsiye nafılto u daywono dılo adab kibe dhowe waziro b’Turkiya.

Bu zabno haroyo a mamle u sturye dımqabıl du waziro di gawoyutho d’Turkiya Suleyman Soylu kzaydi wu rişono du gabeyde u rişqutno Recep tayıb Erdoğan şatiqoyo u lı kobe funoyo la sturyani xıd kulnaqa dkowe dkıtyo hadiro dobe funoyo lkul man dıksoyım sturyo u gabeyde u şıltonutho dkıtyo bi rişonutheyde.

Bu video dfrısle Sedat Peker kmahke cali şaxsiye nafılto du waziro di gawoyutho kmahke cala qatle dhawın ba teşciyat ha mane u qatlo du kathowo u gılyunoro Uğur mumcu dı qtılwo b’Ankara me farsufe dı latwene idice elo Peker komır u qatlano athi lu hwoyo cal idothe Mehmet Ağar dkıtwe bu zabnawo u rişono da haylawotho di mşaynutho d’Turkiya.

Be bzabno kmahke cala qatle da more da şuğlone da kurdoye ba teşciyat dhawınwo komır  a qatlani ste hawın calu darbo du rişono di mşaynutho du zabnawo Mehmet Ağar. Bu vidyano ksoyım hcomo calu waziro di gawoyutho Soylu u komır; Ono kımdawmno dmagleno cala şuğlone cçiqe dsımle u waziro u hul dmahatna hawsoro bı qdolux u makraxnux ba şuqone du athro dkulnoşe hoze mıqq şaxiye nafılto kıtlux.

Bi sbuthathe dımşarela dmidroşo bhın falqe du tboco froso du athro kmifaşqo di mwatyutho aws te i qale dkito bayn lu rişqutno Erdoğan u Suleyman Soylu cali rişonutho du athro mşarele dmigloyo. U mede dıkmahwe a droşani gımdawmi bayn da gurube dmeqım dmitıstamcmliwo mi şıltonutho u lu waziro di gawoyutho Suleyman Soylu.