Sim tagliyotho hathe b’Belarus

A tagliyotho mqabıl du rişqutno d’Belarus Aleskander Lukaşenko kımdawmi.

 A tagliyothani simi, bu zabno dlayım u Huyodo d’Urifi b’Bruksel, leşan dorış i aykanoyutho harayto du athro.

 U camo d’Belarus d’Rusya i Hewarto, kobıc dmisım şuhlofo mşayno bi mdabronutho du athro u dmisım guboye hathe. Calathe atagliyotho kımdawmi mqabıl du rişqutno Alexander Lukashenko. Ğalabe ma tagliyothaniste sim qum da hbuşye bi arişkoyto Minsk, cal dkito mınyono celoyo d’mtagliyone yasire.

Amtagliyone mawdaclın, dkubci d’Lukashenko dmawde dığlib u dmişatıs Mawtbo du kordinasyon leşan dımhaydır u maşıqlo da guboye gawonoye du athro, bnişo dhowe şlomo u mşaynutho b’Belarus.

U rişqutno markawle folhe cala thumayde du macırbo laf Polonia, Lettland u Luthwania xıd funoyo lagzome da rişone du Huyodo d’Urifi dkıtne hadire dmahti tedbire cal Lukashenko. Calathe adyawma a hadome du Huyodo layimi lıknuşyo şnizo, leşan durşi isbuthathe d’Belarus me qariwo.