18/01/2021

Sim u cufoyo d’Sohıdto Alarya Yacqub

Ba mowat d’camo baynothaye haylawotho di mşaynutho gawoyto u şutose mdinoye, kfixi cali cito d’Mor Jırjıs bi mditho dı Derik bu athro d’Suriya, u mqadamlın a’buyoyaththe la haylawotho du sutoro di athto u li iqartho di sohıdto Caştar Alarya Yacqub.

 İ cito Kaldoyto d’Mor Jırjıs di mditho dı Derik bu garbay madınho d’Suriya, sımla athmıl baytoyutho l’mowat d’comure di mditho uda qıryawotho d’hedora, dımqadamlın a’buyoyaththe cali sohdutho di folhoyto Caştar Alarya Yacqub dkıtwa hadımto hfitto ba haylawotho di mşaynutho gawoyto du sutoro di athto.

La buyoyani mıştawtafla taşdarto ma haylawotho di mşaynutho gawoyto du garbiyo udu madınho d’Suriya, u mathlone mu şutoso da yaqrotho da sohde di Derik u mathlone d’şutose hrene mdinoye.

Bıthır mdıkle qatinto d’şetqo cali ruho da sohde, i tahlufto di rişonutho zawgoyto di sictho di gawoyutho du qlimo di Gozarto d’Bethnahrin Hamrin cali, bu mamlo dsımla mqadamla buyoye la yaqrotho da sohde kulle, dilonoyith i iqartho di sohıdto Caştar Alarya Yacqub dhula a’hayayda hulu nafas haroyo, bnişo dsaymo i mşablonutho du athrayda udu camayda.

Hamrin mırla “u qawmo du garbiyo udu madınho d’Suriya mqadamle dbehnafşotho ma came kulle, bnişo dmınfıq moro la yuthrone dımhaqqıqi bu admo da sohde. Wa yuthronani athın lıhwoyo bi rişonutho di athto dkobo ağuno ba haqle mşahılfe”. Hamrin bu mamlayda grışla ste u zuhoro cala haylawotho di athto ma came mşahılfe du garbiyo udu madınho d’Suriya dmıştawtaflın la gbine kulle, bnişo dmımte lu maşıqlano u makthabzabnoyo.

İ ağonisto folhoyto Caştar Alarya Yacqub, yawme d’cruto dşaficina mi celtho du kriz du lebo dmafıtwola, hawyowa sohıdto bu zabno dıksaymowa i wolithayda xıd hadımto ba haylawotho Suryoye du sutoro di athto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…