18/02/2021

Suriya u İsroyel gdımşahlıfi hın ma yasire dıhdode

Suriya u İsroyel gdımşahılfi hın ma yasire dıhdode bi mescoyutho d’Rusya.

 Lfuth Darımsuq, İsroyel gıdmarfiyo tre yasire ma barmothoye Suriye, mqabıl du terfiyo d’claymtho İsarloyto.

 U ajans da tebe d’Suriya d’SANA, athmıl mawdacle di şultonutho dı Darımsuq udı Tel Aviv matın l’awyutho dımşahılfi hın ma yasire dhıdode bi mescoyutho d’Rusya.

Lfuth SANA, ucdo kımdawmi a fulhone du şuhlofo da tre yasire Suriye Nihal Almaqt u Dhiyab Qahmuz dkıtne ma bnaymothoye du Golan, mqabıl du terfiyo d’claymtho İsarloyto dşafico li fnitho d’Alqunaytra lawğıl da n’arcotho d’Suriya bu darbo du fawdo, udımsiko bıthır ma haylawotho d’Suriya.

Lfuth i dafo d’Rusya, u hudro du yasiro Fleştoyo athmıl mawdacle d’İsroyel fsıqla dmarfiyo i yasiro Suri Dhiyab Qahmuz, lfuth qyomo du şuhlofo d’yasire bayn d’Suriya u İsroyel bi mescoyutho d’Rusya.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…