Şutose Suryoye b’Jönşöping gıdmtaybi taglitho mşawtafto leşan dmathkıri a Sohde du Sayfo

JÖNKÖPİNG, Swed — Lfuth i mawdconutho dmatilan, a şutose folitiqoye, marduthoye, di esfirreğlo wa citotho mşahılfotho du camo Suryoyo dkıtne b’Jönşöping du Swed, mtayablın ruhaye l’hfitutho dgımitaybo 24 bu yarhano d’Ob bi şoctho dbeyn da 18.00-19.00 dcasriye.

U yawmano friş li sbutho du Sayfo dsımwo calu camaydan bu zabno du qrobo qamoyo dbritho. A mtaybone di taglithathe da maşalat kımmi; Toxu camhıdode, mathkırina u cuhdono dan Oromoye Othuroye Suryoye Kaldoye dhawın dıbhe bu qtolğenso dsımwo ban 1915.

U ltomo leşan u halxano da maşalat gıdhowe bu wahdo d’Hovrettstorget bi mdito d’Jönşöping wa 20 şutose frişe du camaydan dgımaydi duktho bi taglithathe, sımlın qroyto la hadomathe kulle, dmıştawtıfi acmaye bu yawmano. A şutosani’ste;

– i cito Suryoyto Orthodoksoyto d’Mor Dimet  

– i cito Suryoyto Orthodoksoyto d’Mor Shamoun d’Zeyte  

– i cito Suryoyto Orthodoksoyto d’Mor Abrohom  

– i cito Othuroyto d’Yuldath Aloho b’Jönşöping 

– i cito Kaldoyto b’Jönşöping 

– i cito d’Madınho d’Othuroye d’Mar Giwargis   

– u Hudro d’Turabdin 

– u Hudro Suryoyo b’Jönşöping 

– i Claymutho Othuroyto bu Swed  

– SOKU, u Huyodo di Claymutho di cito Suryoyto Orthodoksoyto d’Jönşöping u Huskvarna 

– SOUF, u Huyodo di Claymutho Suryoyto Oromoyto bu Swed  

– u gabo d’Bnaye d’Betnahrin 

– ADO, i Mtakasto Demoqratoyto Othuroyto b’Jönşöping  

– u Zawco Demoqratoyo Othuroyo b’Jönşöping  

– Assyrian Riders-an Othuroye qaloce di darıxto du motor 

– u Hudro Othuroyo d’Babylon  

– u Lig Tibeloyo dan Othuroye b’Jönşöping  

– i gudo Assyriska IK  

– a boduqe di cito Suryoyto Orthodoksoyto b’Jönşöping  

– u Huyodo da Neşe Othuroye