Şutose tawdithoye u marduthoye mtayablın yawme d’huşabo taklitho leşan du tlobo da zedqe da mşihoye bu athro d’Suriya

ÖREBRO, Swed — A citotho d’Yoldath Aloho Maryam u Mor Aho u da Rum Ortoduksoyto uda Qubtoye uda Habaşoye wu hudre Suryoye u Othuroye mtayablın i taklithathe leşan dı gurşi u zuhoro d’Urifoye cala qatle dkowın cala mşihoye bu madınho mıscoyo, u dilonoyith cala mşihoye d’Suriya dıkfayti me maşıqlo casqo.

Bi mawdconutho dmıdlan me qaşişo Yahkub Qaseliye, u mkahnono di cito d’Yoldath Aloho d’Örebro, mawdacle dhın u nişatheyo dı tılbi a zedqe da mşihoye du Madınho Mıscoyo gawonoyith uda mşihoye d’Suriya dilonoyith.

Qaseliye mırle ste ahna kımtalbina da mşihoye dhowlın u sutoro druhaye leşan dlowe qatle xıd hawi bi cito d’Mor Elyas b’Darimsuq dSuriya.

İ taklithathe gıdhuyo ramhıl yawme d’huşabo i şotho ba tarte dbıthır me falge d’Yawmo b’Olof Palmestorg b’Örebro. A mtaybone ksaymi qrayto lu camo kule dhodır laşan dmaşımcina a talabe da mşihoye du madınho mıscoyo lı britho kula.