Tashdarto mi mdabronutho yothoyto sımla socurutho l’HBA bu Iraq

Tashdarto mi mdabronutho yothoyto du garbiyo udu madınho d’Suriya, sımla socurutho lu gabo du Huyodo d’Bethnahrin Athroyo du Iraq HBA.

 Bi socuruthathe driş u nesyuno di mdabronutho yothoyto wa dawsat makşırone dımhalqila bu haqlo di demoqratoyutho udi ciyeşe mşawtafto bayn da came.

 Taşdarto mi mdabronutho yothoyto du garbiyo udu madınho d’Suriya, sımla lumıhreno casriye socurutho lu gabo du Huyodo d’Bethnahrin Athroyo du Iraq HBA lu qentrunayde u rişoyo dkıtyo bi mditho d’Ankawa bi hiğmonutho d’Arbil.

İ taşdarto di mdabronutho yothoyto kmişaklowa mi rişonitho zawgoyto du mawtbo gawoyo di mdabronutho yothoyto du garbiyo udu madınho d’Suriya Siham Qıryo, i rişonitho zawgoyto di sictho di athto di mdabronutho yothoyto Jihan Xıdro wi rişonitho zawgoyto du kanton di Qamışli Parwin Yusıf. Wi taşdartathe mıstaqbılo mu rişono du gabo d’HBA Yusıf Yahkub Matti.

Bi ytawtathe, mahke bırwihutho calu nesyuno di mdabronutho yothoyto du garbiyo udu madınho d’Suriya wi methcadronutho dkito bayn da came mşahılfe di fnitho ba haqle folitiqoye, kenşoye, folhoye u marduthoye.

Be bzabno, kıle cala dawsat makışrone dımhaqaqla i mdabronutho yothoyto bu haqlo di demoqratoyutho udi ciyeşe mşayanto u mşwtafto bayn da came, cıl ma casqıwotho rabe dıklıqyolın i mdabronutho yothoyto b’qamutha.

Li ytawtathe, mıştawtafleste u rişono dmeqım du gabo du Huyodo d’Bethnahrin Athroyo Sabah Mihayel Barxo.