Teodora Hobil dımsikowa adyawma tıryo herto

Bu taro da cuqobe dıkmisomi ma hayle du rejim qaşyo dı Turkiya Teodora Hobil dımsikowa adyawma tıryo herto.

 Bu taro da cuqobani msiki farsufe hreneste beynothayye Yuhanun Aktaş dkıtyo huweste ha ma abne du camaydan.

Ba cuqobe dsimi cala bote b’Batman u Mırde b’Mıdyat, Bethzabday u ğer dıkotho, i şıltonutho dı Turkiya b’nişo dmazico a farsufe dkıtlın renye frişe msıkke mınyono d’farsufe.

Adyawma ba şuce qum fothıd dsafro a hayle di mşaynutho bu cuqobo dsımlın calu bayto d’Theodora Hobil dkıtyo i mcadronitho di mşalonitho du Hudro da Neşe Suryoye d’Mıdyat, hadımto du Federasyon da hudre Suryoye b’İwardo mawbılowa lu duyoqo. bıthır mu Sniğro d’Teodora Hobil dımşayele acla, Hobil lafa şuce dqum casriye tıryo hırto.

Me gabo hreno bu taro da cuqobani dsimi cala farsufe dkıtne hadome di Kongre Demokratikoyto da Came DTK, msikste Yuhanun Aktaş dkıtyo huweste ha ma abne du camaydan.

Camgabıdathe beynothayye rişone zawgoye du Gabo Demoqratoyo da Came HDP, u farsufe hrene hfite msiki.