Turkiya kımdawmo dmawqıdo a arcotho di Gozarto

U gayso kaboşo dı Turkiya wa çatawiyayde, hani da tlotho yawme kımdawmi bu tewqido da narcotho di zaricutho ba qıryawotho di mditho dı Tel Tamır bu garbay madınho d’Suriya.

Camgabıdathe, zıd m’80 hektare d’arcotho di zaricutho mawqıdi bi netiçe da hjome dsımla Turkiya cal hın qıryawotho bu macırbo d’Kobani.

Bnişo dmımhe darbo lu momuno da fenyotho di mdabronutho yothoyto, u gayso kaboşo dı Turkiya wa çatawiyayde hani da tlotho yawme kımdawmi dmawqıdi anarcotho di zaricutho bi qritho d’Alqasimiya dıknıflo b’ruhqo d’arbıco kilomıtre mu tayman macırbo dı Tel Tamer bu garbay madınho d’Suriya.

Lfuth mabuce gelyunore m’Tel Tamır, amdinoye wa grube du tetfiyo di nuro laybın dşıfci li fnitho cal dkıtlın zuctho dmıhjım aclaye mu gayso kaboşo dı Turkiya uma grube marıhbone dıksındile.

Camgabıdathe, u gayso kaboşo dı Turkiya dkıtyo bi fnitho d’Jarablos bu garbiyo d’Suriya, ba buğre dmarısle cala haqle di zaricutho dkıtne bu macırbo d’Kobani, yaqıd zıd m’80 hektare mu mahsul da hete uda score.

Lfuth cayni mabuce, aradoyotho du tetfiyo di nuro cama comure da qıryawotho qadiri dmaklın u bırbozo di nuro l’fenyotho hrene di zaricutho.

U yuqdonano da tarte naqlatyo dkowe ba qıryawotho d’Kobani bi şatathe da 2020. Belhude meqım tıre yawme hawiwo yuqdone bi qritho d’Sarzore bu madınho d’Kobani.

Bu madınho d’Suriya ste, a’yuqdone axilın 5 alfo donımat d’hete u score u shıflın ste kmo bote bi fnitho d’Im Madfac ba qıryawotho du madınho dı Der Ezzor. Bıthır mıdşafıc kmo şoce, a’comure cama radoyotho du tetfiyo di nuro qadiri dmaydi a’yuqdonani lu duyoqaththe.