Turkiya kmanqıso amaye dıkbolın lı Suriya

Turkiya bu tenqiso da maye du nahro da froth dıkfoyıt ba arcotho d’Suriya kıbco dsaymo hboso cala came di Gozarto d’Bethnahrin.

Lfuth i awyutho dkito bayn Suriya u Turkiya Suriya kıtla zedqo dı qoyathla 500 metre mkacbe bu rfofo elo ucdo Turkiya manqasla a mayani l’mathe metre mkacbe.

U nahro defroth dıknohıt ma arcotho d’Turkiya l’Suriya ğalaba zabnotho hawi sbutho du droşo bayn Turkiya u l’Suriya, cıl mıd kito awyutho dkımbayno dıklozım xoyır 500 kilometre mkacbe l’Suriya bu rfofo.

Elo i awyuthathe qulnaqa Turkiya tıryola cala warqe, u inaqa dıkcayqo bi siyase kmakılyo i kmoyutho da maye dıknuhti l’Suriya, u hathe kuyo qento lu camo dıkhoye ma maye du nahro d’Froth u be bzabno u kahrobo dıkmisım ma masxore dkito calu nahranao bi xasra d’Suriya.

Bu yurxo du nahrano dkıtyo 600 kilometre ba arcotho d’Suriya kito 3 masxore acle u rabathe dkıtyo u masxoro d’Mabuğ dkıtyo ışme Teşrin. Be bzabno ba arcotho d’Turkiyaste kito 6 masxore.

Bu tenqisano d’Turkiya kmanıqso amaye knoqıs i mafıryonutho du kahrobo b’Suriya u be bzabno u camo kıgorış casqutho da maye du ştoyo u dğeyr sniqwotho.