U athro d’Amerika u d’Mısır mıtafaqlın cal awyutho

Bi sbutho du kriz d’Libya, Amerika wu athro du Mısır mıtafaqlın cal awyutho dmarıhqi a folhe dkıtne b’zuze mu athro, u bebzabno a hayle da milis awkith da milişiyat dkito bu athro dlıcıbri li mditho d’Sırt u d’Aljafra.

 Megabo hreno, mşarele naqa hreto u knuşyo du şroyo du kriz d’Libya bi erişkoyto d’Almanya Berlin.

Lfuth hın mabuce du tboco froso dıfrıslın tebe mahkelın d’Amerika wu Mısır mıtafaqlın bi sbutho d’Libya dhowelın cwodo cam hdode dmatimi u qrobo dkito u dmawfıqi a folhe dımşadri mqabıl d’zuze lu qrobo gawoyo du athro.

Ba tebe dıfrisi hani zabno mawdacwo d’Turkiya u Rusya mşadarwolın folhe me Suriya lu athro d’Libya dımharbi cama hayle saqıbloye dıhdode.

Bu itifaqano dhawi bayn Amerika u lu Mısır gıdmınci a hayle da milis dkito bu athro dıcıbri l’Sirte u l’Jufrah .

Megabo hreno adyoma mabde u konferans dımhadarwo dmisım laşan u şroyo du qatro du qrobo dkıtwo b’Libya bıthır mu nfolo du rişono catiqo Mumar Kadafi.

U konferansano dıgmisim calu darbo du nawlo gıdhowın athrawotho mşahılfe mtaybe xıd Hollanda, Swizra u 6 athrawotho şbobe d’Libya wa mathlone du konferans d’Berlin.

Lfuth u malolo di wazirutho d’Almanya u konferansano kıtle nişo dımqafe şroyo lu qatro du qrobo d’Libya u dilonoyitho dımcaqbina a fusqone dmidiwo  bu konferans d’Berlin dsımwo bi şato d’şaficina u bebzabno dmahtina hboso cala athrawotho dlıgmanıhti a fusqanoni la haye.