U athro du Iraq tlıble snodo mu kenşo Emwothoyo laşan a guboye gawonoye

U Iraq tlıble snodo mu kenşo Emwothoyo bu tuyobo da guboye gawonoye du athro.

 İ Sictho celoyto u Şritho da guboye du Iraq, maczamla 52 athrawotho frişe dbritho, leşan dımcadri bu tehqobo da guboye dıgmisomi bu Iraq.

Bi maqırhonutho dhuwla athmıl casriye i Sictho Celoyto u Şritho da guboye du Iraq m’akadla, dmaczamla mathlone me 52 athrawotho frişe dbritho, leşan dımcaqbi da guboye du parlamento du athro dşufci b’kinutho.

U malolo di Sictho mawdacle, dımşadarlın egrotho di zminutho l’71 athrawotho nuxroye, tukose Emwothoye wu rişayizgadwotho Caraboye wu ğalabe menaye’ste, mfanelın u maqbelın i zminutho du Iraq. Mathlone du Huyodo d’Urifi u d’Emwotho Mhaydotho, gıdmqadmi snodo kamilo li Sictho da guboye du Iraq.

Wu bebzabno Emwotho Mhaydotho, mşadarlaste mınyono d’yadıcthone leşan u snodo di Sictho da guboye bu haqlo du tboco froso, du lojistik u du material du teknik uğer dıklozım leşan a guboyani dgımisomi bu yarho d’Teşrin u qamoyo dıbqamuthayna.