U Baro d’Merde gıdmitawdıc bı arbıco leşone

U leşono Suryoyo dkıtyo u leşono qamoyo du athro d’Turcabdin mıdle dukthe bi luho di nuqazto di tacbarto da sniğre di hiğmonutho d’Merde.

 Bu dumyani i nuqaztathe kuyo i nuqazto qamayto da sniğre dıkmahto luho bı arbco leşone di duktho calu bınyoneyda.

Bıthır ma bınyone da karxwotho dkıtweyne bi morutho du gabo di HDP dmahıtwolın u leşono Suryoyo ucdo i nuqazto du baro da sniğre d’Merde mahıtlın u leşono suryoyo cali luho di mawdconutho di nuqaztathe.

Bi sbuthathe bıthır mıd u rişqutno Erdoğan mşahlafle a rişone da karxwotho du gabo di HDP hın mane u şuğlo qamoyo dsımlın şlıhwolın a luhe dkıtweyne ba leşono mşahılfe da came di duktho.

Ucdo i nuqazto da sniğre di hiğmonutho d’Merde hawyo i nuqazto qamayto dmahıtla luho di mawdconutho calu bınyoneyda ba 4 leşone di fnitho dkıtne u leşono Suryoyo, Caraboyo, Kurdoyo u Turkoyo.