U bethtawso d’Mırde, Turkiya, ftih atmıl ruşmoyith la fyore da şırak d’athrawotho frişe dbritho

MIRDE, Turkiya – U bethtawso Emwothoyo d’Mardin Prof. Dr. Aziz Sançar, ftih athmıl ruşmoyith la fyore da şırak d’athrawotho frişe dbritho. A fyorani mşarelın lu bethtawso d’Mırde, bıthır mıd u rişqutno Turkoyo Erdoğan, mdele calu fusqonano.

U şuşotano athi lu huwoyo, bıthır mi socurutho dsımwola ba 2024 taşdarto dımrayşıno mu qoyumo Suryoyo bu parlamento du Swed Yusuf Aydin umu sniğro İlhan Aydin l’Turkiya. 

Bu zabno di socuruthathe di taşdartathe dkıtwo’ste eba mathlone ma mawtbe da 2 marcıyotho du Swed, hawiwola ytawyotho frişe cam fqide u mşale b’darğo celoyo d’Turkiya. Beyn da sebwotho rişoye dgrışwola i taşdartathe u zuhoro acla, u talab du futoho du bethtawsano d’Mırde, dgımaxıf u mazlo u mathyo du camaydan lu athro’we dkobıc dbone u dımhathıth a dukothayde.

Ubu dumyano, şafıc athmıl u talabano ruşmoyith la haye bıthır mıd mde mu rişqutno. U camo Suryoyo kibe ucdo dlo qetro dızze lu athro u dmacış a haye marduthoye, kenşoye u momunoye ba dukothayde a şerşoye.