U Ciraq nqile 950 galwoye mi maşritho d’Alhol
Hol 30 base malye galwoye Cıraqoye dkıtwın holucdo bi maşritho d’Al Hol d’Suriya, daciri adyawma safrayto la dukothathe. U nqolo da galwoyani bu normal gıdmisamwo meqım şabtho, elo mcal fothe di aykanoyutho du qrobo beyn İsroyel u İran, mşawhıri a fulhonani. Bu dumyano, nqila adyawma Boğdod 250 yaqrotho-awkith 950 bnaynoşo, lu Cıraq.
U Cıraq ha man athrawotho rişoye’yo dıkmdawım bu nqolo da bnaymothoyayde dkıtne ba maşıryotho du garbay madınho d’Suriya. Athmıl mşadarla Boğdod 30 base li maşritho d’Al Hol b’Suriya wu adyawma safrayto, daciri a basani matcıne 250 yaqrotho-awkith 950 galwoye i sagiyoyuthathe neşe u nacime lu Cıraq.
U nqolano da galwoye Cıraqoye, mfaşıq u celoyo dkulle mu zabno d’Boğdod bıdewola, bu tedciro da bnaymothoyayda mi maşritho d’al Hol bi Hasake d’Suriya-dıksaymo baytoyutho lban alfayo d’marhıbone d’Dacış wa yaqrothathe. Ma 2021 uholucdo, nqile u Cıraq gawonoyith hol 15 alfo bnaymothoye me Suriya u heş kito 12.600 galwoye Cıraqoye bi maşrithathe d’Suriya.
Mu şuroyo di şatathe uholucdo, sımle u Cıraq 2 hamlat rabe du nqolo da galwoye-bhdo menaye nqılwo 241 yaqrotho-awkith 865 bnaynoşo ubu yarho d’İyor’ste, nqılwo naqla hreto 223 yaqrotho mi maşritho d’Al Hol. Bi maşritho’ste, kmıntır da galwoyani bıthır dmitafiti b’buhone di nafşo ubı proğrame di mlahmonutho dcamu kenşathe.
A galwoyani’ste kmitahti bi maşritho d’Jada dkıtyo qarıwto li mdito d’Mawsal-dkbişowa me Dacış ba 2014. Calathe a comure di hiğmonutho d’Ninve-dilonoyith mi daşto d’Ninve dkıtyo i sagiyoyutho da comurayda mu camaydan, mahwelın hfuxyo cal dıkmitahti a marhıbonani wa yaqrothathe b’Ninve, dhawyo’wa nişo la hçome ulu qtolcamo dsımwole u tukoso marhıbono d’Dacış cala qalilothayda.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
