U claymo Othuroyo sniğro Oliver Sliwa dqayıthle şukono tibeloyo du şlomo

SIDNEY — Hew şukono tibeloyo du şlomo lu claymo Othuroyo sniğro Oliver Sliwa dkıtyo mi mditho d’Sidney d’Australia.

Sliwa dımmathele i mtakasto emwothoyto d’Shayna Humani tarian, qayıthle u şukonano bu konferans tibeloyo du şlomo dımtayıb bu athro d’Australia.

Oliver Sliwa ha mbayn da mıçğılone rişoye we calu qonuno noşoyo emwothoyo bu konferansano dhadırle zıd m’100 delegasyone emwothoye m’80 athrawotho mşahılfe dıbritho. 

Bu şıklano Sliwa kmıhşu u sniğro Othuroyo qadmoyo dıkqathle u şukonano u tibeloyo xıd iqoro la fulhone dıksamlın bu haqlo du şlomo udu qonuno noşoyo. 

U şukonano kımşalıt bahro calu dawro rişoyo dıkmıştacele u camaydan bu haqlo du teqwiyo du şlomo udi kinutho, uda zedqe noşoye bu wahdo emwothoyo.