U darbo emwothoyo d’M4 ftih la mdinoye

Adyawma ftih u darbo d’M4 beyn Tel Tamer u Rişcayno lu mazlo u mathyo da mdinoye. U futohanoste kmisım bu duyoqo du gayso d’Rusya.

 U darbano dı sxırwo ba 2019, ftih bu ittifaq dhawi ba yawmotho dşaficina beyn Turkiya u Rusya u bi mtaybonutho du Mawtbo Folhoyo Suryoyo MFS u QSD.

U darbano u ruşmoyo dkıtyo beyn Telltamer u rişcayno sxırwo bu yarho da 10 di şato d’şaficina metul da marıhbone d’Turkiya marisiwo zayne cala radoyotho dkıtweyne azole u athoye.

Bıthır ma itawyotho dhawi bayn Rusya l’Turkiya bi mtaybonutho da haylawotho du cameyadn MFS u QSD hawi awyutho d’Rusya maydo u duyoqo du darbo kule. Bıthır mu fusqonano adyawma ba şoce dı safrayto ftih u darbo M4 la mdinoye dızzın u othın bayn Tel Tamer u rişcayno.

Lfuth a mawdconwotho dıfrisi bu tboco froso a comure datre tarafe mahwelın du ftoho du darbano ğalabe ulsoyoyo dıftih bu duyoqo d’Rusya.

Bıthır mucdo kul yawmo larwal me yawme dı cruto gıdhowe ftiho bu duyoqo du gayso d’Rusya. Awkith a dawriyat d’Rusya qulnaqla gıdhowın azole u atthoye bu darbo leşan a marhıbone d’Turkiya dlosaymi hjome cala mdinoye.