19/06/2020

U gabo di PKK grışle u zuhoro cali sbutho d’Olof Palme

U ağuno da Kurdoye, mşarele dımcaqıb u qatlo du rişwazire catiqo du Swed  d’Olof Palme, dıqtılwo meqım 34 eşne.

 Bu qatlano, d’thımwo u ağuno di hirutho da Kurdoye, ucdo bıthır mıd mıthabıt u qatolo, a yaqrotho dı thimiwo bu qatlano u dıhzelın husrono, sımlın knuşyo bi sbuthathe.

 U rişwazire catiqo du Swed Olof Palme qtılwo meqım 34 eşne  bi şuqo b’Stockholm bu zabno dkıtwe cami bathzawgeyde dacore mi sinema. Bıthır mu qatlano u mdabrono da pwelıs dcali sbuthathe Hans Holmer, thımwole i PKK. Calathe thimiwo farsufe u yaqrotho mşahılfe da Kurdoye, u bebzabno msıkwo hın menaye lu duyoqo.

Bi mawdconutho da powelıs mawdıciwo, dımsanatwolın cala sanode di PKK dmahkelın a mamle dıkrumziwo, du amro du qatlano mi PKK athiwo. Mawxa’ste u tbocofroso du Swed u Emwothoyo frıswole kull yawmo tebe du thomo mqabıl di PKK. U qatlo d’Olof Palme mamtewo l’duktho, dmahıto i PKK bi lohitho di marhıbonutho.

Elo ucdo bıthır mıd u bethdino du Swed mati l’qanaca, du qatolo d’Olof Palme Stig Engström, yaste tahte du ışmo d’Skandiamannen, a yaqrotho Kurdoye dıhzelın husrono mu zabnawo, latimi athmıl b’Stockholm leşan dı dorşi mın gıdmtalbi mu Swed wu husrono dızhelın u dilonoyith u thomo dthim u ağuno di hirutho da Kurdoye.

Lfuth i mawdconutho dmatilan mu knuşyo dhawi athmıl, da yaqrotho dthimi ba kımtaybi dfuthi bethdino mqabıl du mede dsimi mqabıl dıthe, leşan u Swed dmıctarıf dsımle fawdo mqabıl du ağuno di hirutho da Kurdoye u dthımwole i PKK bi marhıbonutho.