Claymtho mu camaydan mıdla sohdutho du pilot bu athro du Swed

Claymtho Suryoyto Katrin Örz be Dayroyo, mıdla i sohduthayda du qloco dı tayosto mdinoyto.

 Katrin dkıtyo mi qritho d’Gremira, b’cımro d’şato a abohothayda mgalwewolın lu Swed u harke hawila mkone dıquryo u bıthır matyo lu darğo dmaydo i sohdutho di tayosto.

 Katrin dkıtyo i bartho d’Aho u Suriya Örs be Dayroyo mi qritho d’Gremira, mawldo bi qritho di cito metul da abohothayda nqılwolın li qritho leşan u cwodo.

Bıthır mu mawlodayda b’şato, mgalwewolın l’Södertelje lu Swed wi Katrin qrela I madraşto celayto u yulfono d’Hotel Resturang u bıthır mşarela dfulho bu bethtawso d’Arlanda.

Bu mıtho da 20 eşne du cwodeyda bu bethtawso, xliq acma mabco dhuwyo pilote di tayosto u hawxa mşarela bu yulfono du myodo di sohdutho di tayosto. Bıthır me zabno, ba yawme dı şaficina matyo lu nişayda u mıdla i sohdutho di tayosto. Elo cal dheş kito mnoco du fyoro da tayosyotho, heş lo mşarela bu fulhonayda.

Lfuth i mawdconutho dmıdlan mu babo di Katrin-Aho Örz mırle; bu zabno da kmo yarhani a ahwotho d’Katrinste mıdlın sohdwotho-hdo menaye hawyo sniğarto wi hreto mıdla bethsamone awkith saydaliye. Ahnaste b’ime di mdabronutho d’Suroyo tv ktulbinalın tahınyotho u kaşirutho ba hayathe.