U hadomo di sictho mşablonitho du froshezwo d’Suroyo Samuel Adam nqil ma hayani

U hadomo di sictho mşablonitho du froshezwo d’Suroyotv Samuel Adam be Qawshe nqil ma hayani a zabnoye bi mditho d’Södertelje du Swed.

 Samuel Adam dkıtyo mu yawmo qamoyo di mşatsonutho d’Suroyo be bzabno mi şato da 1997 bu mawtbo di cito d’Mor Yahkub d’Söderteljewo.

 Samuel Adam d’mawladwo ban 1950 me abohe mnohnafşo Mirza u mnohto Nabiha Adam, nqil ma hayani adyawma ba şoce d’bıthır me falge d’yawmo mu kewo di Corona bıthır mıd fayışwo zabno kayiwo ba bethkrihe.

U mnohnafşo dkıtyo ha ma farsufe qamoye dcabırwo li sictho mdabronitho d’Babylon Media Föreningen dkıtyo u hudro mşatsono d’Suroyo tv kul zabno hadirowe lu fulhono du froshezwo. Bu zabnano dan 16 ışne dşafici calu ftoho d’Suroyo tv u mnohnafşo kul zabno mcadronowe u bebzabno, hadomo du Mawtbo Umthoyo d’Bethnahrin kul zabno howewo mcawnono ba fulhone dmisomiwo leşan u şuşoto du cameydan.

U mnohnafşo beyn da hawrone du fulhono dmidacwo u abe Samo bkul zabno u qedomeyde b’iqorowe u miqadamwole b’iqoro. U mnohnafşo d’Samuel Adam be Qawşe farsufo drohamwo u cameyde u athreyde u rohamwo i citayde mawxaste man 1979 hol uşunoyeyde, bu mawtbo di cito d’Mor Yahkub d’Nsibin we. U hawro Samuel idicowe bi makixutheyde u bi kinutho dkıtwole u mhaymıno ba wolyothaydewe.