A İmarat Caraboye Mhayde maqımlın u boykott momunoyo dcal İsroyel

A İmarat Caraboye Mhayde, fsıqlın dmaqimi u boykott momunoyo dmahıtwolın cal İsroyel. Bu şıkılano, kibın a farsufe wa şırak da İmarat dmodın qyome di tagorutho cam İsroyel.

 Bebzabno Tel Aviv mawdacla, dkıtla sabro du zawho dgımisım b’Woşington xıd remzo dımcadli a esorathe cama İmarat Caraboye, dmisım b’falge du yarho d’İlül dıbqamuthayna.

Hadomo di şultonutho du rişwazire d’İsroyel Ofir Akunis, mawdacle d’Tel Aviv kıtla sabro du zawho dıgmisım b’Woşington d’Amerika xıd remzo dımcadli a esore kyonoye normal beyn İsroyel wa İmarat Caraboye Mhayde, dmisım b’falge du yarho dıbqamuthayna.

U waziro İsarloyo mırle; Uqyomano kmıntır dmımde bu yarho d’İlül b’Woşington, u ahna kıtlan sabro, du qyomano dmisım meqım mi rişe d’şato hathto da Yudoye dkıtyo 18 bu yarho dıbqamuthayna d’İlül. Elo hol ucdo, heş lo mbayın siqumo lu mdoyo du qyomano dcama İmarat Caraboye Mhayde.

U mamlano du waziro İsarloyo sim, bıthır ma tebe dıfrisi u dmawdıc du Şex da İmarat Khalifa bin Zayed al Nahyan mdele athmıl amro leşan dmitaqım u boykott momunoyo dmahıtwolın cal İsroyel. Bu amrano du Şex, kmitahwe aftho la farsufe u la şırak du athrayde dmodın qyome momunoye cama şırak d’İsroyel. Bu şıkılano, kmihalıq dawse leşan dmitarkıwo i tagorutho beyn da 2 athrawotho.

Yawme dı Cruto dı şafıcinaste, mıdwola İsroyel fusqono dmabdiyo a fyore da tayosyothayda l’Abu Dhabi. İsroyel wa İmarat Caraboye, matınwo l’awyutho makthabzabnoyto 13 bu yarhano d’Ob bi mescoyutho d’Amerika, dımcadli a esorathe camhıdode, dıkmıntırste dıxolıq şuşoto leşan u şlomo bu Madınho Mescoyo.